Удахгүй 2010 он улирч шинэ он гарах дөхөж байна. Энэ мөчид "Time" сэтгүүл 2010 оны шилдэг технологийн 10 хэрэгсэлийг нэрлэжээ.
Манай Монголчууд ч бас дэлхийн хөгжилөөс хоцролгүй шинэ технологийн хэрэгслүүдийг ашигладаг бөгөөд миний мэдэхээр Apple-ын iPhone, iPad -ыг түгээмэл хэрэглэж харагддаг.
Ер нь техник технологийн хувьд 2010 он бол Apple компаний тэр тусмаа энэ компанийг удирдаж буй Стийв Жобсын гялалзсан амжилтын он болсон гэдэгт бүрэн итгэлтэй байгаа шүү.
За ингээд 2010 оны шилдэг арав:
1. iPad Apple компанийн бүтээсэн iPad компьютерын түүхэн дэх хамгийн мэдэрдэг дэлгэцтэй таблет компьютер биш ч хамгийн хурдан хамгийн өндөр амжилтад хүрсэн нь гэдэгтэй хэн ч маргахгүй. Хэрэглэгчдэд хүрсэн анхны сардаа гурван сая ширхэг зарагдаж байсан нь түүхэнд үгүй. Үүгээрээ тус компани энэ талбарт жинхэнэ хувьсгал хийж чадсан. Үнэ: $499-$629 | |
 | 2. Samsung Galaxy S Гар утасны хувьд 2010 он Android-ын жил байлаа. Энэ оны гуравдугаар улиралын байдлаар, Google-ийн бүтээсэн энэхүү үйлдлийн системийг есөн сая гаруй ухаалаг гар утсанд суулгажээ. Энэ нь бүх шинэ ухаалаг гар утасны 44 хувь нь Android үйлдлийн системээр ажиллаж байна гэсэн бөгөөд өмнөх жилийнхээс таван хувиар өсчээ. Android-ын гар утаснуудын дотроос хамгийн шилдгээр Samsung Galaxy S-ыг нэрлэж байгаа аж. iPhone-оос ялгаатай нь илүү олон үйлдэл гүйцэтгэдэг, олон загвартай юм байна. Энэ гар утасны хамгийн содон онцлог нь дэлгэц бөгөөд өдрийн цагт ч ялгаагүй, гайхалтай гэрэлтдэг юм байна. Мөн уламжлалт загваруудаас илүү нимгэн, эрчим хүч бага зарцуулдаг аж. Үнэ: $200-$250, нэмэлт үйлчилгээ. |
 | 3. 11 инчийн MacBook Air Apple компанийн гаргасан бас нэгэн онцгой, амжилттай бүтээгдэхүүн бол 11.6 инч буюу 30 см MacBook Air компьютер юм. Энэ нь hard drive биш флаш санах ойтой, нимгэн авсаархан загвартай, гэрлийн хурдаар асч, унтардаг, ердөө нэг кг жинтэйгээрээ онцлог юм. Үнэ: $999-$1199. |
 | 4. Google TV Дуртай кабелийн телевиз, дуртай шоугаа интернэтээр телевиз рүүгээ шууд татаад үзэх өдөр хараахан ирээгүй байгаа ч жил худалдаанд гарсан Google TV үүнд нэлээд ойртжээ. Уг software-ыг олон хэрэгсэлд суулган ашиглаж болох ч Logitech Revue Box хамгийн шилдэг сонголт гэж хэрэглэгчид үзжээ. Google TV суулгасан Revue box-той байхад та вэб сайтуудаас дүрс бичлэгүүдийг телевиз рүүгээ шууд татаж үзэж болох гэнэ. Үнэ: $300 |
 | 5. Nexus One Энэ жил Google компани гар утасны үйлдвэрлэл, олон жилийн амжилттай гэрээнүүд, цахиур хагалах томоохон брэндүүдээр хэрэглэгчдийг татах оролдлого ихээхэн хийлээ. Nexus One бол Android-ыг давуу байдлыг харуулахаар Google компаниас тусгайлан бүтээсэн анхны бөгөөд цорын ганц гар утас юм. Google-ын супер гар утас гэж нэрлээд буй энэхүү бүтээгдэхүүн тэдний хүссэнд хүртэл амжилт чадаагүй ч эрэлттэй, таашаал хүлээсэн бүтээгдэхүүнүүдийн нэг болжээ. Үнэ: $529 |
 | 6. iPhone 4G Уг бүтээгдэхүүн эхний гурван өдөртөө л 1.7 сая ширхэг зарагдсан нь сэтгэл хөдлөм үзүүлэлт боловч iPhone 4G-гийн 960x640 pixel дэлгэцийн нягтрал нь илүү сэтгэл хөдөлгөм гэж хэлж болно. Өөр ямар ч өрсөлдөгч нь өнөөг хүртэл 3.5 инчийн LCD дэлгэцийг ийм олон pixel-тэй хийж чадаагүй байгаа юм. Үүнээс нь гадна дүрсээ харж ярихад зориулагдсан өмнө тал дээрх камераараа онцлог юм. Үнэ: $199-$299 |
 | 7. Apple TV Apple TV box-ыг ашиглан интернэтээс HD кинонууд, телевизийн шоунууд болон бусад дүрс бичлэгүүдийг түрээсээр авч үзэх боломжтой юм. Кино, бичлэгүүдийг татаж аваад, бүрмөсөн өөрийн болгох боломжгүй. Уг бүтээгдэхүүний хамгийн сүүлийн үеийн хувилбар өнгөрсөн есдүгээр сарын сүүлчээр хэрэглэгчдэд хүрсэн юм. Үнэ: $99 |
| 8. Тошибагийн хоёр дэлгэцтэй Libretto лэптоп компьютер Хоёр дэлгэцтэй, гаргүй лэптоп компьютертэй болох гэсэн хүмүүсийн мөрөөдлийг Тошиба энэ зун биелүүлсэн юм. Долоон инчийн хоёр мэдэрдэг дэлгэцтэй Libretto-г босоогоор нь бол ном, сонин шиг, хэвтээгээр нь жирийн хавтсан компьютер шиг хэрэглэж болох юм. Мөн хоёр дэлгэцийг өөр өөр зорилгоор зэрэг ашиглах боломжтой. Энэ нь нэгэн цагт ердөө л төсөөллийн компьютер байсан юм. Үнэ: $1100 | |
 | 9. Kinect Компьютер тоглоомын ертөнцөд хийсэн Microsoft-ын хувьсгал. Kinect-ийн ачаар танд удирдлага хэрэггүй болсон болсон бөгөөд биеийн хөдөлгөөнөөрөө удирдаж, илүү бодитойгоор тоглох боломжийг олгосон юм. Үнэ: $150 |
 | 10. Nook Color 2010 онд технологийн хэрэгслийн олон үйлдвэрлэгч өнгөт e-reader буюу интернэт ном уншигч бүтээсэн байна. Гэвч тэдний олонхи нь хямд хэрнээ дэлгэцийн хүчин чадал муутай байсан юм. Тэгвэл Barnes & Noble-ын гаргасан Nook Color нь iPad-ынхтай адилхан өндөр чадалтай IPS мэдэрдэг дэлгэцтэй ч харьцангуй хямд юм байна. |
PS: Шинэ 2011 онд улам улам олон шинэ техник, технологи гарах болтугай. Би ч бас тэдгээрээс олноор нь ашиглах болтугай! гэсэн хэхэ
эх сурвалж: time magazine, news.gogo.mn
No comments:
Post a Comment