2014-07-21

Well being


Бас л хэрэгтэй зүйлс. Олсоноо хуваалцмой.

1. Цагтаа ир. Тодорхой санагдаж магадгүй л дээ, гэхдээ өглөө хоцрох нь онцгүй сэтгэгдэл төрүүлэхээс гадна нийт ажлын өдөр урамгүй байхад нөлөөлдөг байна.

2. Гүн амьсгаа ав. Тийм ээ, гүн амьсгаа ав. Зарим хүмүүс ажилдаа яарч ирэн, яарч орон өдрийн турш эмх замбараагүй байдлыг үүсгэдэг.

3. 5 минут. Амьсгаа авсныхаа дараа өөртөө 5 минутын цаг гаргаж, тайвширч, өөрийгөө ажилдаа бэлтгэ.

4. Өдөр бүрийг шинээр эхэл. Өчигдрийн ажил, бичиг цааснуудаа эмхэлж дуусчихаад өнөөдрийн ажилдаа ор.

5. Өөдрөг бай. Сэтгэл санааныхаа байдалд анхаар. Таны сэтгэл санаа ажлын бүтээмж, бүр хамтран ажиллагсдын чинь бүтээмжинд хүртэл нөлөөлнө.

6. Өдрөө төлөвлө. Өглөө хийх хамгийн чухал алхмуудын нэг бол энэ. Ажлуудаа хуваарилж, хамгийн чухал хийх ёстой ажлуудаа тодотго.

7. Сэргэг бай. Хэдий та өглөөний хүн биш байж болох ч ажил дээрээ ухаан сэргэг байх ёстой. Ялангуяа удирдах түвшний хүн бол оюуны болон физиологийн хувьд сэргэг байж, ажилтнуудтайгаа харилцаа үүсгэх нь чухал юм.

8. Хамтран ажиллагсадтайгаа харилцаа үүсгэ. 5-10 минутын шуурхай нь өдрийг эхлэх сайхан арга юм. Үүгээр тухайн өдрийн зорилго, яаралтай мэдээ мэдээлэл, асуудлуудаа танилцуулах сайхан боломж болсноор багийн бүтээмжид сайнаар нөлөөлөх болно.

9. Ажлын байраа цэгцэл. Ажлын ширээгээ цэвэрлэж, зохион байгуулах өдрийн турш идэвхитэй байхад нөлөөлдөг байна.

10. Мэйлүүддээ бүү сатаар. Энэ бол хийхэд хамгийн хүндрэлтэй алхам юм. Ажилд ирэнгүүтээ мэйлээ шалгах хэрэггүй. Хэрэв шалгавал зөвхөн хамгийн яаралтай мэйлүүдэд хариу өг. Хэрэгтэй хэрэггүй мэйлүүдээ шалгах нь фэйсбүүкдэхээс нэг их ялгаагүй болж хувирдаг, хүмүүсийн явуулсан мэдээнүүдийг үзсэнээр таны анхаарал сарниж, сүүлдээ та төрөл бүрийн мэдээ мэдээлэл, сайтуудаар тэнэж буйгаа ойлгох болно.

11. Чухал дуудлага, мэйлүүдээ илгээ. Хэрэв тухайн өдөр яаралтай уулзах, харилцах хүмүүс байгаа бол өглөөд мэйл явуулсан нь дээр. Өдөр явуулбал өнөөдөртөө л хариу нь ирэхгүй байх магадлал бий.

12. Сэргэг толгойгоо ашигла. Ихэнхи хүмүүс өглөөд хамгийн сэргэг, тархи нь сайн ажилладаг гэж үздэг, тиймээс энэ үеийг ашигла.


2014-06-24

Хөдөлгөөний ач холбогдол


Хөдөлгөөн хүнд ямар хэрэгтэй талаар мэдээлэл олсоноо хуваалцья, дараа эргэн санахад хэрэгтэй болмой.

Хөдөлгөөний дутагдал дэлхийн өвчлөлийн тэргүүлэх дөрөв дэх эрсдэлт хүчин зүйл бөгөөд дэлхий даяарх үхлийн 6%-ийг эзэлж байна. Түүгээр ч үл барам хөдөлгөөний дутагдал нь хөхний болон бүдүүн гэдэсний хорт хавдрын гол шалтгааны 21-25%, чихрийн шижингийн 30%, зүрхний ишемийн өвчин үүсгэхэд 30% эзэлдэг бөгөөд мөн артерийн даралт ихдэх өвчин, ясны сийрэгжил, үе мөчний өвчнүүдийн гол шалтгаан болж байна

Иймээс тогтмол хөдөлгөөнтэй байх нь эрүүл мэндийг сайжруулах, өвчлөх, цаг бусаар эндэх эрсдэлийг бууруулах ач холбогдолтойгоос гадна физиологийн төдийгүй хувь хүний сэтгэл зүйд эерэг нөлөөг үзүүлдэг.

Хөдөлгөөн нь хүний сэтгэл зүйд эерэгээр нөлөөлж улмаар зүрхний үйл ажиллагаа, цусны эргэлтийг сайжруулж, зүрхний цусан хангамжийг нэмэгдүүлэн эргэлдэх цусны хэмжээг нэмэгдүүлдэг бол нөгөө талаас триглицерид болон нийт холестриний хэмжээг бууруулдаг. Түүнчлэн сэтгэх, анхаарлаа төвлөрүүлэх чадвар, өөрөө өөрийгөө хүндлэх, өөртөө итгэх итгэл нэмэгдэж, гутрал ба хямралд өртөх эрсдэл нь багасдаг байна.

Тогтмол хөдөлгөөний ач холбогдол нь:
Ø  Тулгуур хөдөлгөөний эрхтэн тогтолцооны хөгжлийг дэмжих
Ø  Биеийн жинг хэвийн байлгах
Ø  Эрч хучтэй, эрүүл чийрэг болгох, хэт ядрахаас сэргийлэх
Ø  Цусан дахь нийт холестрин, триглицеридыг бууруулах
Ø  Артерийн даралт ихсэх эрсдэлээс сэргийлэх, даралт бууруулах
Ø  чихрийн шижин өвчний Н-р хэлбэр, зүрхний титэм судасны өвчин, шигдээс, бүдүүн гэдэсний хорт хавдараар өвчлөхөөс сэргийлэх
Ø  Сэтгэл гутрал, бухимдал зэрэг сэтгэцийн хямралд өртөх эрсдэлийг бууруулж, сэтгэл зүйн өөдрөг, сэргэлэн цовоо, идэвхтэй байдлыг бүрдүүлэх
Ø  Булчингийн хүч тэсвэрийг сайжруулах
Ø  Булчин үе мөчийг уян болгох
Ø  Хоол боловсруулах үйл ажиллагааг сайжруулах
Ø  Гэмтэлээс сэргийлэх
Ø  Биеийн дархлааг сайжруулах
Ø  Нас баралтын эрсдэлийг бууруулах
Ø  Дасгал хөдөлгөөний үр дүнд эд эс хүчил төрөгчөөр баяжина, бодисын солилцоо сайжирч, цусны эргэлт идэвхжинэ, булчин чанга, уян хатан, хүч чадалтай, үе мөчний хөдөлгөөн чөлөөтэй болно. Мөн хоолны дуршил нэмэгдэх, өдрийн ажил, амьдралын ядаргааг арилгах. нойр гүн болох, гэдэсний гүрвэлзэх хөдөлгөөн сайжрах, мэс заслын шарх амархан эдгэх г.м таш олон сайн талтай
Ø  Бодисын солилцоо 30 наснаас хойш 10 жил тутам 10%-иар буурч, 35 наснаас мэдрэлийн эс өдөрт 10-13 мянган ширхэгээр үхдэг. Харин 10 м/мин хурдтай 3 км явган явахад бодисын солилцоо 3-4 дахин нэмэгдэж, мэдрэлийн эсийн хорогдол 3 дахин багасдаг.

Ø  Нэг өдөр сонин уншихгүй бол соёлоос 1000 өдөр хоцрохтой адил 1 өдөр дасгал хийхгүй бол нэг өдрөөр хөгширнө

2014-04-26

Атаархахгүй байхын аргагүй.


Путин гуай саяхан Украйны "титэм" Кремийг төвөггүйхэн өөрийн болгочихлоо. Одоо Украйны зүүн хэсгийг яах вэ гэдэг тогтлолт ид дундаа явагдаж байна. Тоглолтонд Путины эсрэг Америк, Европын Холбоо + Украйн.


2014-03-27

Та өөрөө 500 мянган долларын орлоготой баян хүн болж болно

Баян хүнтэй гэрлэх хүсэлтэй бүсгүйд J.P. Morgan-ы CEO-гийн өгсөн хариулт шуугиулж байна. Сонирхолтой л хариулт байна.



Америкийн нэгэн форум дээр залуу бүсгүйн тавьсан асуулт:

Ний нуугүй бичье л дээ. Би энэ жил 25 нас хүрнэ. Би маш хөөрхөн, хувцаслах мэдрэмжтэй гэж өөрийгөө боддог. Би жилийн 500 мянгаас дээш долларын орлоготой залуутай гэр бүл болмоор байгаа юм.

Намайг шуналтай гэж бодож магадгүй л дээ, гэхдээ л Нью-Йоркийнхны хувьд жилийн 1 сая доллар бараг л дундаж орлогод тооцогддог. Тиймээс би өөрийнхөө шаардлагыг өндөр гэж бодохгүй байгаа юм. Энэ форум дотор 500 мянгаас дээш орлоготой хүн байна уу? Ийм хүмүүс бүгдээрээ гэрлэчихсэн байдаг юм уу? Би та нар шиг баян хүнтэй гэрлэхийн тулд юу хийх ёстой вэ?


2014-03-25

Би монгол хүн

Зохиогчийг мэдэхгүй нэгэн шүлэг олсоноо хуваалцмой.

Би монгол хүн

Би - холын холоос нутгаа санаж гүйсэн хангал хүлэг
Би - хорвоод үнэнээ тайлагнахаар цахилж ирсэн бодьгал
Би - өргөн талын нүүдэлчдээс омгорхож тасарсан Монгол
Би - өргөө гэрийнхээ хоймортоо Голомтоо сахисан эр хүн

Хавирган сарны тоололд үнэний төлөө тулалдсан баатар
Хан Богд уулынхаа өвөрт хүйгээ цөгөлж түүх гэрчилсэн он цагийн хэлхээс
Манцуйндаа үнэгчлэх үрдээ эцэг нь болсон алдар
Маргааш хэмээх оньсгоны хариулт нь болсон таавар

Би - дээрээс орсон тундас, дээврээс унжсан мөс
Би - цасанд ойсон нарны цацраг, сартай зөрсөн үүрийн гялаан
Би - хаврын салхинд эрчээ авсан хуй
Би - ханш нээх улиралд хэнзэлж ургасан яргуй
Би - он цагийн эзэн, орон зайн бурхан...